المكرونه بالبشاميل الصيامي بأحلي واطعم طريقه
الطريقه بس من غير مقادير بعملها بالنظر هشرح الخطوات اول حاجه بجهز الحشو.بحمر بصل واضيف ماشروم وممكن من غير واضيف عليه فلفل رومي وحار حسب الرغبه وممكن فلفل الوان شويه واضيف جزر مبشور وبطاطس مبشوره ..وبكون مسبكه عصير طماطم وصلصه و زيتون شرايح حسب الرغبه اضيفهم للخلطه واظبط الملح والفلفل وتوابل اللي تفضليها .انا مش بحب احط توابل غير الفلفل الاسود فقط بعد كدا بجهز البشاميل .بدوب اللبن الصيامي ومكعبين مرقة خضار ملح وفلفل ف شوية ميه سخنه صغيرين وازودهم ميه بارده .احمر الدقيق ف زيت وسمنه نباتي وممكن زيت بس براحتك .بعد كدا نضيف اللبن للدقيق واقلب لحد ما يتقل وياخد غلوه اطفي واضيف جبنه موتزاريلا صيامي بتخلي البشاميل طعمه لذيذ..اخر حاجه اسلق المكرونه وارص الصنيه عادى وبحط فوق الحشو شوية جبنه وعلي وش الصنيه وادخلها الفرن ..وبالهنا طعمها رائع .
